好男人面相特徵額闊代表有貴格！ 6個好老公外表特徵

好男人究竟要點樣揾？相信唔少姊妹都好擔心、好怕會遇上渣男。係雙方深入了解大家性格之前，其實憑外表絕對可以略知一二，例絕額闊代表有貴格！姊妹們為咗自己終生幸福，今次所介紹嘅好男人、好老公面相，方便大家對號入座。

撰文：Easy｜圖片來源：Instagram、劇照

6個好男人面相特徵

相信大家都聽過「頭尖額窄，無嚟貴格」，確實額窄係「小人格」一種，所以揀男人、老公當然揀一個額闊嘅人，代表有貴格，分析力較強，日後即使有誘惑出現都會識得分輕重。

眼珠大代表為人心地善良，做事會留有餘地。相反眼珠細，如「三白眼」甚至「四白眼」，即眼白比較多嘅人，做事較心狠手辣，嚴重嘅會出手打人。

鼻孔露代表為人大方，唔計較金錢。相反，鼻孔唔外露代表孤寒，所以揀老公最好揀一個鼻孔微露，女朋友或老婆們一定有家用，老公又唔會太管你洗錢。

嘴唇四正厚薄適中，代表為人正直和穩重，嘴唇如果生得唔四正，代表愛講大話，而嘴唇太薄又代表無情。

頭髮濃密烏黑人除咗身體健康外，個性也比較踏實（過了30歲開始計算)。

鼻子高而直嘅男人有自信，意志也較堅定，且普遍事業不錯，嫁俾佢比較易有安逸生活。